Լրատվականներում շրջանառվում է, որ Նիկոլ Փաշինյանը հրահանգ է տվել ստուգել բոլոր լրատվականների ղեկավարների ունեցվածքը: Նույնիսկ որոշակի գործնական քայլեր կան, օրինակ՝ բանկից զանգարաում են հաճախորդին և հարցնում թե ինչո՞ւ չի օգտագորում հաշվին եղած գումարը և այլն։ Հավանաբար ոչ բոլոր հաճախորդներին է բանկը նման հարցով զանգհարում։ Սա լրատվականների դեմ ուղղված հերթական քայլն է, որը բնականաբար, ուղղված է իշխանության կամ մերձիշխանական տիրույթից դուրս գտնվող լրատվականների դեմ: Այսպես ասած՝ սևերի և սպիտակների հերթական բաժանումն է: Նկատենք, որ պաշտոնյաների մեծ մասի ունեցվածքի մասին վերջերս տեղեկություններ է հրապարակում «Հետք» պարբերականը: Իշխանությունն էլ իր հերթին անձնական հետաքննությունն է անցկացնում և օրինակ՝ Վահագն Ալեքսանյանի շուրթերով հայտնում, որ «Հետք»-ի փոխխմբագիրն էլ է հիփոթեքով տուն գնել: Ենթադրելի է, որ վարչապետի ներքին հրահանգն առաջինը սկսվելու է հենց «Հետք» լրատվականից: Իհարկե, եթե կա կոռուպցիոն որևէ մեխանիզմ, միանշանակ պետք է պատժվի՝ վարչապետից մինչև լրագրող կամ ցանկացած այլ քաղաքացի: Այստեղ տրամաբանական հարցեր են առաջանում: Արդյո՞ք ստուգելու են «Ֆրինյուզ» լրատվականի տնօրեն Մարիամ Մարգարյանին, ով Աժ նախագահ Ալեն Սիմոնյանի կինն է կամ Խաչատուր Սուքիասյանի անվան հետ կապվող «Արարատնյուզ» լրատվականին,  ինչու չէ նաև «Նոր Հայաստան» հեռուստաընկերությանը, կամ ՔՊ գրասենյակում գործող «CIVIC.am» -ին և այլն: Իսկ, այս շարքը շարունակելով, վարչապետը կարող է կամ առնվազն պետք է հայտնվի իր ընտանիքին պատկանող «Հայկական ժամանակ» օրաթերթի խմբագրությունում, որտեղ մի քանի ամիս պարբերականությամբ տնօրեն է փոխվում և այդ տնօրեները պետական ապարատում զբաղեցնում են տարբեր պաշտոններ՝ օրինակ՝ Արուսյակ Մանավազյանը 2021թ-ի արտահերթ խորհրդարանական ընտրություններից հետո դարձավ ԱԺ պատգամավոր: ՀԺ-ում Մանավազյանին փոխարինած Հարություն Առաքելյանը կարճ ժամանակ անց դարձավ Երևանի քաղաքապետարանի թափառող կենդանիների վնասազերծման կենտրոնի տնօրեն և այլն: Որևէ մեկի համար գաղտնիք չէ, որ այս ամենն ի վերջո կառավարվում է վարչապետի տիկնոջ՝ Աննա Հակոբյանի կողմից: Այսպես որ գնա, ի վերջո, Նիկոլ Փաշինյանը, ով սիրում է  հաճախ մեջբերումներ անել «Կարգին հաղորդումից», կամաց-կամաց իր տանն է մոտենալու և գուցե այնքան էլ դրական բացահայտումներ չլինեն. ասենք՝ ինչպե՞ս պետական կառույցներում սկսեցին «Հայկական ժամանակ» օրաթերթի մեծ քանակություն ստանալ, ինչպե՞ս կայքի գովազդներն էականորեն աճեցին, «Հայբիզնեսբանկ»-ը դրաձավ հիմնական գործընկեր և այլն: