Այս օրերին Հայաստանի ռուսական ռազմակայանում անցկացվող ուսումնական զորավարժությունների ժամանակ  անօդաչու թռչող ինքնաթիռները շուրջ 20 հազար կիլոմետր են անցել Կամխուտ, Ալագյազ և Փամբակ բարձրալեռնային վայրերում: Թռիչքների ընդհանուր տևողությունը կազմել Է շուրջ 200 ժամ: Այս մասին հայտնում է ՌԴ Հարավային ռազմական օկրուգի մամուլի ծառայությունը:

Մարտական պատրաստության միջոցառումների ընթացքում կիրառվել են «Օռլան-10», «Լեեր-3», «Գրանատ-1» և «Զաստավա» անօդաչու սարքերը, որոնք ռուսական ռազմակայանի սպառազինությունը համալրել են 2015 – 2016 թվականներին:

Ռուսական ռազմակայանի անօդաչու թռչող սարքերը կիրառվում են հետախուզական ստորաբաժանումների, զանազան վարժանքների ընթացքում զինծառայողների գործողությունների հսկման, ավտոմոբիլային և զրահատանկային շարասյուների ուղեկցման, ինչպես նաև հրետանային և տանկային հրաձգությունների ժամանակ կրակի ճշտման համար:

Vesti.am