Էստոնիան, Լիտվան եւ Լեհաստանն առաջարկել են ռուսական նավթի գների շեմը 60 դոլարից հասցնել 51,45 դոլարի՝ մեկ բարելի դիմաց, հաղորդում է Bloomberg-ը:

Այս երկրները պահանջում են, որ շեմը սահմանվի շուկայական գներից ցածր՝ 5 տոկոսի մակարդակում։ 

Ինչպես սպասվում է, մարտի 15-ին Եվրամիության երկրների ներկայացուցիչները կսկսեն քննարկել Ռուսաստանից նավթի գների շեմի վերանայման հարցը:

Ավելի վաղ ԱՄՆ ֆինանսների նախարարությունը հաշվարկել է, որ Ռուսաստանը նավթի 75 տոկոսը վաճառում է առանց արեւմտյան ծառայությունների միջնորդության:

Հայտնի է դարձել, որ Նյու Դելին պարտավորություններ չունի G7-ի, Եվրամիության եւ Ավստրալիայի կողմից սահմանված սահմանափակումից ցածր ռուսական նավթ գնելու վերաբերյալ, քանի որ երկիրը պաշտոնապես չի միացել սահմանափակմանը:

Reuters-ի զրուցակիցների խոսքով՝ Հնդկաստանը ոչ մի համաձայնագիր չի ստորագրել արեւմտյան երկրների հետ ռուսական նավթի սահմանային գնի ներդրմանը միանալու վերաբերյալ։