Առաջիկա ամիսներին Ուկրաինայի իրադարձությունները վճռորոշ կլինեն հակամարտության համար, ասել է ԱՄՆ պաշտպանության նախարարի միջազգային անվտանգության հարցերով օգնական Սելեստ Վոլանդերը։ Նրան մեջբերում է ՏԱՍՍ-ը։
«Այն, ինչ տեղի կունենա առաջիկա ամիսներին, կարող է որոշիչ լինել։ Եվ մենք կենտրոնանում ենք Ուկրաինային ռազմական միջոցներ տրամադրելու վրա, որն անհրաժեշտ է իր ժողովրդին և տարածքը պաշտպանելու համար», - ասել է նա ԱՄՆ Սենատի արտաքին հարաբերությունների հանձնաժողովի նիստում:
Ավելի վաղ հայտնի էր դարձել, որ ԱՄՆ իշխանությունները Ուկրաինային խոստացված Abrams տանկերի գնման պայմանագրեր են կնքելու արտադրողների հետ, քանի որ ամերիկյան ռեզերվում առկա այդ մարտական ստորաբաժանումները բավարար չեն։
