Երևանը հրաժարվել է մասնակցել դեկտեմբերի 23-ին նախատեսված Հայաստանի, Ռուսաստանի, Ադրբեջանի ԱԳ նախարարների եռակողմ հանդիպմանը։ Այս մասին հայտնել է Ռուսաստանի ԱԳ նախարարությունը։

Գերատեսչությունից հայտնում են, որ դեկտեմբերի 22-ին տեղի է ունեցել ՌԴ և Ադրբեջանի ԱԳ նախարարների հեռախոսազրույց, որի ընթացքում «քննարկվել են ՌԴ խաղաղապահ զորախմբի պատասխանատվության գոտում գտնվող Լաչինի միջանցքում իրավիճակը, որը սրվել է  միջանցքը փակելու  տարածաշրջանում հանքավայրերի շահագործման վերաբերյալ կողմերի միջև տարաձայնությունների հետ կապված։ 

Սերգեյ Լավրովն ընդգծել է Լաչինի միջանցքով Լեռնային Ղարաբաղի և Հայաստանի միջև անխոչընդոտ հաղորդակցության ապահովման վերաբերյալ եռակողմ պայմանավորվածությունների խստիվ պահպանման անհրաժեշտությունը։ Ափսոսանք է հայտնվել  Երևանի՝ այս տարվա դեկտեմբերի 23-ին Մոսկվայում Ադրբեջանի և Հայաստանի արտգործնախարարների հանդիպմանը  մասնակցելուց հրաժարվելու վերաբերյալ, որտեղ քննարկելու  էր խաղաղության պայմանագրի նախապատրաստումը»։