Ես աջակցում եմ այն հազարավոր մարդկանց, ովքեր տառապում են Ադրբեջանի կողմից Լաչինի միջանցքի՝ Արցախը Հայաստանին կապող միակ ճանապարհի ապօրինի շրջափակումից։ Այդ մասին Թվիթթերի իր միկրոբլոգում գրել է ԱՄՆ Ներկայացուցիչների պալատի անդամ Ջուդի Չուն և հավելել․
«Ես հպարտությամբ եմ միացել Ներկայացուցիչների պալատի անդամ Ադամ Շիֆին և մեր գործընկերներին՝ նախագահ Բայդենին ուղղված նամակում կոչ անելով՝ միջոցներ ձեռնարկել Արցախի ժողովրդի պաշտպանության համար»,- գրել է նա։
Հիշեցնեք՝ նախօրին ԱՄՆ կոնգրեսական Ադամ Շիֆի գլխավորությամբ շուրջ երեք տասնյակ կոնգրեսականներ նամակ են հղել ԱՄՆ նախագահ Ջո Բայդենին՝ կոչ անելով վճռական քայլեր ձեռնարկել՝ ապահովելու Արցախի հայ բնակչության անվտանգությունը։
