Ադրբեջանն ու Թուրքիան կրկին լայնածավալ զորավարժություններեն սկսել, այս անգամ արդեն Իրանի հետ սահմանին։ Այդյո՞ք այն ուղղված է Իրանի դեմ, ով բազմիցս հայտարարել էր, որ տարածաշրջանում սահմանների փոփոխություն թույլ չի տա։ Vesti.am-ի այս և այլ հարցերին պատասխանել է ռազմական փորձագետ Կարեն Վրթանեսյանը։

-          Պարո՛ն Վրթանեսյան, Արդեբեջանը և Թուրքիան զորավարժություններ են անցկացնում Իրանի հետ սահմանին։ Սա կարո՞ղ ենք դիտարկել, որպես նախազգուշացում, որ Իրանը չխառնվի հայ-ադրբեջանական սահմանում տեղի ունեցող հետագա իրադարձություններին։

-          Կարծում եմ, դա կարելի է դիտարկել, որպես ուղերձ Իրանին, որ իրենք պատրաստ են դիմադրել, և Թուրքիան օգնելու է Ադրբեջանին, եթե սահմանում լինի զինված բախում։ Ինձ թվում է, սա նաև պատասխան քայլ էր Իրանի զորավարժություններին։

-          Ադրբեջան-Թուրքիա այս զորավարժությունների և 44 օրյա պատերազմից առաջ տեղի ունեցածների միջև զուգահեռներ տեսնո՞ւմ եք։

-          Այո, ոչ մի բան բացառել չի կարելի։ Միշտ ասել եմ՝ ցանկացած նման ակտիվություն մեզ համար ռիսկեր պարունակում է։

-          Երբ ՆԱՏՕ-ի զորքը Ուկրանիայի տարածքի միջոցով մոտենում էր Ռուսաստանին, վերջինս դա չհանդուրժեց, արդյունքը  եղավ պատերազմը։ Հիմա Թուրքիայի բանակը, որը ևս ՆԱՏՕ-ի զորքն է, Ադրբեջանի տարածքից կրկին մոտենում է Ռուսաստանի սահմանին։ Այստեղ Ռուսաստանը մտավախություն պիտի՞ ունենա։

-          Ես վստահ եմ, որ Ռուսաստանը Թուրքիայի ուժեղացմամբ մտավախություն ունի, բայց հիմա ունի առաջնահերթությունների խնդիր և դա իր համար Ուկրանիան է՝  արևմտյան ուղղությունը։ Ռուսաստանը Թուրքիային դիտարկում է որպես ՆԱՏՕ-ից առանձին խաղացող և շատ բաների վրա աչք է փակելու, քանի որ այս պահին այլ խնդիրներ ունի և չի կարող այդպես չանել։