Ռուսաստանի հայերի միության
նախագահ Արա Աբրահամյանը նամակ է հղել Կոնստանտին Էռնստին նրա ղեկավարած Ռուսական
առաջին ալիքի տեղեկատվական հաղորդաշարի սեպտեմբերի 19-ի եթերի հաղորդավարների և մասնակից
փորձագետների «անտեղյակության և ոչ կոմպետենտության» կապակցությամբ:
Ռուսաստանի հայերի միության
նախագահն իր նամակում խիստ անհանգստություն է հայտնել տարբեր հաղորդաշարերի
ընթացքում դրևորվող հակայակական թրենդով և վճռական բողոք է ներկայացրել այդ
հաղորդումներից մեկի բովանդակության կապակցությամբ:
«Հարգելի Կոնստանտին Լվովիչ,
այս ուղերձի նպատակը, իհարկե, Ձեր կլողմից ղեկավարվող հեռուստաալիքով եթեր դուրս
եկող անձանց անգրագիտության վերացումը չէ, բայց, մեր կարծիքով, Առաջին ալիքն
արժանի է ավելի կոմպետենտ և պրոֆեսիոնալ հաղորդավարների և փորձագետների, ովքեր ի
զորու կլինեն ոչ թե լսարանին վանել երկրի ղեկավարության կողմից վարվող Ռուսաստանի
ազդեցության և հզորության վերականգնմանն ուղղված գծից, այլ ընդհակառակը՝ նպաստեն դրան»,- ասված է նամակում:
