Գերմանիայի կառավարությունը պաշտոնապես հաստատել է, որ Ուկրաինա կուղարկի 30 «Գեպարդ» ինքնագնաց զենիթային զենք, երեք «Մարս» բազմակի հրթիռային և IRIS-T հակաօդային պաշտպանության համակարգեր, ասվում է նախարարների կաբինետի հայտարարությունում:
Գերմանիայի կառավարությունը նախկինում հավատարիմ է եղել Ուկրաինային պաշտպանական աջակցության մանրամասները չհրապարակելու քաղաքականությանը, իշխանությունները վկայակոչել են անվտանգության հետ կապված մտահոգությունները: Երեքշաբթի օրը Նախարարների կաբինետը հրապարակել է Ուկրաինային արդեն հասցված ռազմական օգնության և մատակարարումների ցուցակը, որոնք Բեռլինը պատրաստվում է իրականացնել ապագայում։
Կառավարությունը հիշեցնում է, որ 2022 թվականի բյուջեն ավելացվել է 2 միլիարդ եվրոյով պաշտպանական կարիքների համար, այդ միջոցները «առաջին հերթին» ուղղվելու են Ուկրաինային աջակցելուն։
