Արցախի ԱԳ նախարար, «Պահպանողական կուսակցության» ղեկավար Դավիթ Բաբայանն ուղերձ է հրապարակել Հայոց ցեղասպանության 107-րդ տարելիցի կապակցությամբ․
«Թանկագի՛ն հայրենակիցներ, բարեկամներ, կուսակիցներ,
Այսօր Արցախի պահպանողական կուսակցությունը ողջ հայության հետ միասին կրկին հիշում է Հայոց ցեղասպանության՝ Մեծ եղեռնի անմեղ զոհերին, ոգեկոչում նրանց հիշատակը։
1915 թվականը հավերժ դաջված է մեր սրտերում և հոգիներում։ Մենք պարտավոր ենք հիշել մեր պատմությունը, առավել ևս դրանում տեղ գտած ողբերգություններն ու արհավիրքները։ Ոճրագործությունները մոռացության մատնելը ի վերջո բերելու է դրանց արդարարացման։
Սակայն սա չի նշանակում, որ պետք է կոտրվենք, թույլ տանք, որ վախը, հուսահատությունը և փոքրոգությունը գերիշխեն մեր գիտակցությանը, այլապես նոր ցեղասպանություններն անխուսափելի կլինեն։
Ամուր հավատք, հայրենասիրություն, միասնականություն և արհեստավարժություն․ սրանք են մեր հուսալի ապագայի և հաղթանակների գրավականները։
Թող Աստված լուսավորի բոլոր անմեղ զոհերի ոգիները, ուժ ու կորով տա մեր ժողովրդին»։
