«Մենք, հերոս տղաների ծնողներս, ընտանիքի անդամներս
ամենից լավ գիտենք, թե ինչ արժեք ունի կյանքը: Մեր տղերքն ամենաթանկը՝ իրենց կյանքն
են տվել հայրենիքի համար, բայց ոչ նրա համար, որ հազարավոր կյանքեր, այդ թվում զինվորների,
նրանց ծնողների կյանքեր փրկած պրոֆեսոր Չարչյանն այսօր ենթարկվի անմարդկային կտտանքների:
Այսօր մեր տղերքը մեզ ասում են՝ Արմեն Չարչյանը մենք ենք, արեք նրա համար այն, ինչ կանեիք մեզ համար: Այսօր առաջին հերթին պետք է փրկել պրոֆեսորի կյանքը եւ մենք վարչախմբից, իրավապահ մարմիններից, դատարանից պահանջում ենք ժամ առաջ փոխել Արմեն Չարչյանի խափանման միջոցը եւ նրան րոպե առաջ ազատել կալանքից»:
Այպիսի հայտարարությամբ են հանդես եկել մի խումբ զոհված զինծառայողների
հարազատներ: Նրանց թվում է նաև «Հայաստան» դաշինքի պատգամավոր, 44 օրյա պատերազմում անհամացած, հերոս Աբգար Նազարյանի
հայրը՝ Գեղամ Նազարյանը,, ով Vesti.am-ի հետ զրույցում ասաց, որ նույնը կաներ ցանկացած մեկի համար, ով
գտնվում է բանտում և ունի առողջական խնդիրներ: «Պատճառը միայն այն չէ, որ Չարչյանը իմ ընկերն է,
բժիկ է և հազարավոր կյանքեր է փրկել, ընդ որում շատ ու շատ զինվորներիի: Նրան առաջադրված
մեղադրանքին կալանքը համահունչ չէ: Բայց այդ պրոֆեսորը սուր ինֆակտ է տարել, շաքարի
կտրուկ բարձացում է նկատվում մոտը: Առողջական վիճակը ևս կալանքի հետ համատեղելի չէ:
Ես ինչ արել եմ Չարչյանի համար, դա ժամանակին արել եմ նաև Նիկոլի և Արման Բաբաջանյանի
համար», նշեց Նազարյանը և հավելեց, որ հիմա էլ, եթե նմանտիպ դեպքեր լինեն, ինքը նույն
կերպ կարձագանքի և արձագանքում է:
