Սոչիում ավարտվել է «Նոր Ալիք-2021» մրցույթը, որի հաղթող է դարձել Հայաստանը ներկայացնող Սարո Գևորգյանը։ Երիտասարդ երգիչը մրցութային առաջին և երկրորդ օրերին կատարել է Բեյոնսեի Listen և Արամ mp3-ի «Կուզես» երգերը: Պրեմիերայի օրը Սարոն կատարել է իր համար գրված երգը, որի հեղինակը Դավիթ Բադալյանն է:
«Նոր Ալիք-2021» մրցույթի հաղթող Սարո Գևորգյանը Instagram-ի էջում նոր լուսանկարներ և տեսանյութեր է հրապարակել, որոնցում նրա ընկերներն ու հայտնի երգիչները շնորհավորում են նրա հաղթանակը։ Շնորհավորողների թվում են նաև ռուսական շոուբիզնեսի հայտնի աստղերը:
Կարճ տեսանյութերից մեկում երևում է, թե ինչպես է Սարոյին գրկում
Դիմա Բիլանը՝ խոստովանելով, որ իրեն շատ է դուր եկել երիտասարդ երգչի կատարումը։ Այնուհետև
Սարոյին մոտենում է Ֆիլիպ Կիրկորովն ու ջերմագին շնորհավորում։
«Ցավդ տանեմ»,-ասում է Կիրկորովն ու գրկում Սարոյին։
Vesti.am-ը շնորհավորում է երիտասարդ երգչին և մաղթում նորանոր հաջողություններ:
