Չինաստանի առողջապահության նախարարությունը հայտարարել է, որ կիրակի օրը՝ օգոստոսի 22-ին, երկրում SARS-CoV-2 վարակի ոչ մի դեպք չի գրանցվել, հաղորդել է «Ինտերֆաքսը»:
Կիրակի օրը ՉԺՀ-ում հայտնաբերվել է կորոնավիրուսով վարակված 21 անձ, սակայն նրանք բոլորը եկել են արտասահմանից: Այսպիսով, օգոստոսի 22-ը հուլիսից ի վեր առաջին օրն է, երբ երկրում գրանցվել է զրոյական դեպք:
Հիվանդության վերջին բռնկումը եղել էր հուլիսի 20-ին, երբ կորոնավիրուսը հայտնաբերվել էր Նանկին քաղաքի արեւելյան Ցզյանսու նահանգի վարչական կենտրոնի միջազգային օդանավակայանի աշխատողների մոտ: Սրանք այն մարդիկ էին, ովքեր մաքրում են արտասահմանից ժամանող ինքնաթիռները:
Հայտնվելով Նանկինում՝ COVID-19-ը սկսել է տարածվել ամբողջ երկրում: Այս ընթացքում գրանցվել է COVID-19-ի վարակման ավելի քան 1200 դեպք:
Հիվանդացության աճը դադարեցնելու համար Չինաստանի իշխանությունները մտցրել են խիստ սահմանափակող միջոցներ՝ լոքդաուն, տրանսպորտային կապերի դադարեցում, զանգվածային թեստավորումներ:
