«Զվարթնոց» միջազգային օդանավակայանի թռիչքուղու և ղեկուղու հատման հատվածում նախատեսված աշխատանքներով պայմանավորված՝ նոյեմբերի 2-7-ը չվերթերի իրականացման ժամային սահմանափակումներ կգործեն, այս մասին Aysor.am-ի հետ զրույցում ասաց «Զվարթնոց» օդանավակայանի հանրային կապերի պատասխանատու Լուսինե Մողրովյանը։

Նրա խոսքով՝ նոյեմբերի 2-6-ը չվերթեր չեն իրականացվի ժամը 09:00-18:00-ն, իսկ նոյեմբերի 7-ին՝ ժամը 09:00-15:00-ն։

Հիշեցնենք, որ ավելի վաղ Aysor.am-ը, ուսումնասիրելով օդանավակայանի պաշտոնական առցանց չվացուցակը, հայտնել էր, որ նոյեմբերի 2-ին՝ ցերեկային ժամերին, «Զվարթնոցը» որոշակի ժամանակահատվածում չվերթեր չի ընդունի և չի իրականացնի։