Շուրջ 2 0օր է, ինչ ադրբեջանցի զինվորականները գտնվում են ՀՀ սուվերեն տարածքում և ոչ միայնչ են հեռանում, այլև ամրապնդվում են՝ 250 հոգուց դառնալով 1000: Բանակցությունների շոշափելի արդյունք չկա: Այս ամենին զուգահեռ Իլհամ Ալիևը հայտարարում է, որ  պաշտոնական Երևանում քննում են Զանգեզուրի միջանցքի անխուսափելիության հետ կապված հարցը:  Թեմայի շուրջ Vesti.am-ը զրուցել է «Հենակետ» վերլուծական կենտրոնի ղեկավար, Արցախի նախագահի նախկին խորհրդական Տիգրան Աբահամյանի հետ:

-         - Պարո՛ն Աբրահամյան, Իլհամ Ալիևը հայտարարում է, որ ՀՀ-ն քննում է «Զանգեզուրի միջանցքի անխուսափելիության  հետ կապված հարցերը»: Ի՞նչ եք կարծում, այստեղ քննվո՞ւմ է այդ հարցը և հնարավո՞ր է, որ այն իրականություն դառնա:

-          - Ցավալիորեն, Ադրբեջանից հնչեցված հարցերը շատ հաճախ արտացոլում են ստանում  հայաստանյան իշխանությունների մոտեցումներում։ Հետևաբար՝ չեմ կարող բացառել, որ այդ թեմայի շուրջ քննարկումները շարունակվում են և միայն արտաքուստ է ՀՀ իշխանությունը հայտարարում, թե նման բան չկա:

-          - Ի՞նչ խնդիրներ ի հայտ կգան, եթե Ադրբեջանին հաջողվի այդ միջանցքը բացել:

-         - Ամենամեծ խնդիրն այն է, որ ներկայիս գործընթացը հայկական կողմից վարում է այս իշխանությունը, որոնք վերջին 3 տարում ինչ գործընթացի մեջ եղել են, տապալել են այն։ Ինչ փաստաթղթի շուրջ էլ գործընթացը գնա, այս իշխանության պարագայում դրա տապալումը երաշխավորված է:

-         - Ալիևը, մինչ պատերազմը վերսկսելը, հավակնում էր վերադարձնել միայն 7 շրջանները, հիմա ամբողջ Արցախն  է ուզում, Մեղրի միջանքը, Սևանը, Երևանը և այլն: Դիվանգիտական ի՞նչ բացթողումներ ունենք, որտե՞ղ ենք սխալվել:

-          - Դրանք բացթողումներ չեն, դրանք լուրջ տապալումներ են: Ադրբեջանի իշխանությունը կարողանում է իրեն ազատ զգալ, քանի որ իրականում ՀՀ-ում ունի  դաշնակից, որն այսօր իշխանաության ղեկին է և ինքը ևս հպարտանում է  վերջին պատերազմի պարոտությամբ: Իրականում մենք այսօր ունենք մեկ օրակարգ՝ դա այս իշխանության հեռացումն է, առնց որի որևէ առաջընթաց արձանագրել այևս հնարավոր չէ:

-         - Ձեր խոսքում նշեցիք Փաշինյանի երեկ հնչեցրած արտահայտությունը,  որ հպարտ է, ինչո՞վ:

-        -  Միակ ողջամիտ եզրակացություն այն կորղ է լինել, որ այդ մարդը ունեցել է  առաքելություն՝ հանձնել Արցախը, հանձնել Հայաստանի այն տարածքները, որոնք Ադրբեջանի համար կարևոր են և այսօր հասել է դրան, որն էլ իր հապարտության առարկան է:

-          - Ի՞նչ վտանգներ, մարտահրավեր են առկա Սյունիքի  և Գեղարքունիքի մարզում:

-       -  Հաշվի առնելով այն իրավիճակը, երբ արդեն 20 օր է թշնամին գտնվում է ՀՀ տարածքում, ունենք զոհ, ունենք 6 գերի, ունենք սահմանյին բախումների արդյունքում վիրավորումներ ստացած մեծ թվով զինծառայողներ, արդեն իսկ խոսում է իրավիճակի լրջության մասին: Որևէ խնդիր չի հարթվելու, քանի դեռ այս իշխանությունը չի հեռացել:

-          - Առկա լարվածության պայմաններում, ռոզմական դրության անհրաժեշտություն կա՞:

-          Այս ընթացքում ջոկատների ներգրավվածության հարց եղել է, իսկ ռազմական դրության կարիք կա, թե ոչ, փակ տեղակատվության տիրապետով հանդերձ, թող գնահատի և ասի Զինված ուժերի գլխավոր շտաբը: