Ազգային ժողովում ավարտվեց Սահմանադրական դատարանի  նախագահ Հրայր Թովմասյանի լիազորությունները դադարեցնելու վերաբերյալ ԱԺ նախագծի փակ գաղտնի քվեարկությունը։

Քվեարկության արդյունքները ներկայացրեց հաշվիչ հանձնաժողովի նախագահ Վահագն Հովակիմյանը։

«Քվեարկությանը մասնակցել է 101 պատգամավոր։ Նախագծին կողմ է քվեարկել 98 , դեմ՝ 1 պատգամավոր: 2  քվեաթերթիկ անվավեր է եղել»,-հայտնեց նա։

Այսպիսով նախագիծը կուղարկվի Սահմանադրական դատարան: