Եղիսաբեթը և Ֆիլիպն ամուսնացել են 1947 թվականի նոյեմբերի 20-ին։ Նանց պսակադրությունն առաջին թագավորական հարսանիքն էր, որ հեռարձակվել է հեռուստատեսությամբ և ռադիոյով։ Հեռարձակմանը հետևել է 20 մլն մարդ՝ ամբողջ աշխարհից։ 2017 թվականի նոյեմբերի 20-ին լրացավ Եղիսաբեթ Երկրորդի և արքայազն Ֆիլիպի ամուսնության 70-րդ տարեդարձը․ այն այլ կերպ հայտնի է որպես պլատինե հարսանիք։ Թագուհին անգլիական առաջին միապետն է, ով նշում է այս հոբելյանը։
Թագուհու ամուսնական զգեստը կարվել է 2 ամսում, որի վրա աշխատել է 25 դերձակ և գործվածքի 10 մասնագետ՝ աստղային դիզայներ Նորման Հարթնելի գլխավորությամբ: Արդյունքում Եբիսաբեթը կրել է թագ և պսակածաղկով, հասմիկով և սպիտակ վարդով ծաղկեփունջ: Նրա հագուստն ունեցել է 4-մետրանոց քղանցք:
Թագուհու գլխավոր զարդարանքները եղել են գոհարազարդ թագը և երկու վզնոցները՝ «Թագուհի Աննա» և «Թագուհի Կարոլինա»: Վերջինս պատկանել է Գևորգ II թագավորի կնոջը: Եվ իհարկե գլխավոր զարդերից է եղել ամուսնական մատանին, որի քարը վերցրվել է Ֆիլիպի մոր՝ գերմանացի արքայադուստր Ալիսա Բատենբերգի հարսանեկան թագից:
