«Հայկական «Տարոն Ավիա» ավիաընկերությունը բողոքում է ռուսական օդանավակայանների տարբերակված գնային քաղաքականությունից. ոչ ռուսական ավիաընկերությունների համար այն ավելի բարձր գներ է սահմանում իր ծառայությունների համար, քան ռուսականների համար»,-«Եվրասիական շաբաթ» միջազգային համաժողովի ժամանակ լրագրողներին ասաց Տնտեսական մրցակցության պաշտպանության պետական հանձնաժողովի նախագահ Արտակ Շաբոյանը:

Նրա խոսքով՝ ավիաընկերությունների համար օդանավակայաններում ոչ հավասար պայմանների ստեղծումը հակասում է ԵԱՏՄ–ում առողջ մրցակցության սկզբունքներին ու կանոններին։

Մենք այդ խնդրի լուծման համար կանենք ամեն ինչ և այդ լուծումը կարող է կարևոր դեր խաղալ հայկական ավիաընկերությունների զարգացման գործում»,–նշել է Շաբոյանը։

Նա վստահություն հայտնեց, որ Մրցակցության և հակամենաշնորհային կարգավորման հարցերով Եվրասիական տնտեսական հանձնաժողովի իրավասության ներքո գտնվող բոլոր հարցերը և խնդիրները անպայման կլուծվեն:

Շաբոյանը նաև ուշադրություն հրավիրեց այն փաստի վրա, որ հայկական «Զվարթնոց» օդանավակայանը աշխարհի բոլոր ավիաընկերությունների համար միասնական գնային քաղաքականություն է վարում:

Vesti.am