Ֆրանսիական ՊՍԺ-ի հարձակվող Նեյմարը նշանակվել է ֆուտբոլի Բրազիլիայի ազգային հավաքականի ավագ: Այդ մասին մամուլի ասուլիսի ժամանակ հայտարարել է Բրազիլիայի հավաքականի գլխավոր մարզիչ Տիտեն:
Այս ամռանը Ռուսաստանում անցկացված աշխարհի առաջնության ժամանակ Բրազիլիայի հավաքականի ավագի թևկապով հանդես էին գալիս տարբեր ֆուտբոլիստներ:
«Նորից նշանակվել եմ հավաքականի ավագ, քանի որ շատ բան եմ սովորել, հասկացել եմ, որ պատասխանատվության զգացումը օգտակար կլինի ինձ համար»,- ասել է Նեյմարը:
26-ամյա Նեյմարը նախկինում ևս եղել է Բրազիլիայի հավաքականի ավագը, սակայն հետագայում հրաժարվել է թևկապից:
Vesti.am
