Վարչապետ Նիկոլ Փաշինյանի հետ ջերմուկցիների և «Լիդիան Արմենիա» ընկերության ներկայացուցիչների հանդիպում-քննարկումն ավարտվեց, բայց կողմերն այդպես էլ ընդհանուր լեզու չգտան:
Ավելին՝ «Լիդիան Արմենիա» ընկերությունը հրաժարվեց որոշակի ժամանակով դադարեցնել աշխատանքները, որպեսզի աշխատանքային խումբն այդ ընթացքում ուսումնասիրություններ իրականացնի:
Նկատենք սակայն, որ հանքի դեմ պայքարող քաղաքացիները համաձայն էին բացել դեպի հանքավայր տանող ճանապարհները, բայց միայն այն դեպքում, եթե «Լիդիան Արմենիան» ուսումնասիրությունների ընթացքում դադարեցնի կատարվող շինարարական աշխատանքները:
Կողմերը, սակայն, փոխզիջումների չգնացին: Ցուցարարները պնդեցին՝ հանքը չի բացվելու և վերջ, «Լիդիանի» ներկայացուցիչներն էլ հստակեցրեցին, որ հետքայլ անելոււ մտադրություն չունեն:
Vesti.am
