ՌԴ փոխվարչապետ Դմիտրի Ռոգոզինը հայտարարել է, որ Ռուսաստանը զենք է վաճառում թե՛ Երևանին, թե՛ Բաքվին՝ պահպանելով շահերի հավասարակշռությունը, հայտնում է «РИА Новости»-ն։
«Մենք զենք ենք վաճառում Հայաստանին և Ադրբեջանին՝ պահպանելով շահերի հավասարակշռությունը»,-ասել է Ռոգոզինը՝ ապրիլի 11-ին ելույթ ունենալով «Էխո Մոսկվի» ռադիոկայանի եթերում:
Ռոգոզինը նաև ընդգծել է, որ եթե Ռուսաստանը դադարեցնի զենքի մատակարարումն այդ երկրներից մեկին, նրա տեղն իսկույն կգրավեն ԱՄՆ-ն կամ այլ երկրներ:
Հիշեցնենք, որ ավելի վաղ ՌԴ փոխվարչապետ Դմիտրի Ռոգոզինը հայտարարել էր, որ Ռուսաստանը շարունակելու է զենք մատակարարել Ադրբեջանին՝ ռազմավարական գործընկերության պայմանագրի համաձայն:
Vesti.am
