Ապրիլի 14-ին ԱՄՆ, Մեծ Բրիտանիան և Ֆրանսիան Սիրիայի նկատմամբ ագրեսիա են սկսել: Այդ մասին հայտնում է «SANA»-ն: ՀՕՊ համակարգերից հարվածներ են հասցվել են Դամասկոսի Էլ-Կիսվա արվարձանին: Նշվում է, որ Սիրիայի ուղղությամբ արձակվել է շուրջ 100 հրթիռ:
Հոմսում ԱՄՆ ղեկավարության տակ գտնվող արևմտյան կոալիցիայի ավիահարվածներից տուժել է 6 խաղաղ բնակիչ:
ԱՄՆ զինված ուժերի Շտաբների ղեկավարների կոմիտեի նախագահը հայտարարել է, որ ԱՄՆ Ռուսաստանի հետ որևէ համաձայնեցվածություն չի ունեցել Սիրիայի տարածքում հարվածների շուրջ: Նա նշել է, որ ԱՄՆ հատուկ է ընտրել այդ թիրախները, որպեսզի կանխի ռուսական զորքերի ներգրավվածության վտանգը:
ՄԱԿ-ի գլխավոր քարտուղար Անտոնիու Գուտերեշն էլ, անդրադառնալով Սիրիայի դեմ հարվածներին, նշել է.
«Ես հետևել եմ Սիրիայի օդային հարվածների մասին զեկույցներին, որոնք իրականացվել են Միացյալ Նահանգների, Ֆրանսիայի և Միացյալ Թագավորության կողմից: Կա պարտավորություն գործել ՄԱԿ-ի կանոնադրությանը և ընդհանուր առմամբ միջազգային իրավունքի համատեքստում, հատկապես այն դեպքում, երբ խոսքը վերաբերում է խաղաղությանը և անվտանգությանը»:
ՄԱԿ-Ի գլխավոր քարտուղարը չի քննադատել այդ երեք պետությունների գործողությունները, միայն նշելով, որ «ՄԱԿ-ի ուսերին է խաղաղության պահպանման պատասխանատվությունը»:
https://www.youtube.com/watch?v=OarsirTDtG4Vesti.am
