ՀՀ վարչապետ Կարեն Կարապետյանը գործադիրի նիստին, հաշվի առնելով, որ ջրամբարների ներկայիս պաշարները կարող են որոշակի ռիսկեր առաջացնել ոռոգման ջրամատակարարման տեսանկյունից, ՀՀ վարչապետ Կարեն Կարապետյանը հանձնարարեց Ջրային տնտեսության պետական կոմիտեի նախագահին 7-օրյա ժամկետում շահագրգիռ մարմինների հետ համատեղ մշակել և Ֆինանսների նախարարություն ներկայացնել շարժական պոմպային սարքերի, խորքային պոմպերի ձեռքբերման, չշահագործվող խորքային հորերի վերականգնման, ինչպես նաև նորերի հորատման նախագծերի աշխատանքների ֆինանսական հաշվարկները, հաշվի առնելով գյուղացիական տնտեսությունների ոռոգման ջրի ապահովումը:
Վարչապետը միաժամանակ Բնապահպանության, Ֆինանսների, Տարածքային կառավարման և զարգացման նախարարություններին հանձնարարեց առաջին կետով նախատեսված փաթեթն ստանալուց հետո տասնօրյա ժամկետում Ջրային տնտեսության պետական կոմիտեի հետ համատեղ նախաձեռնել համապատասխան գնումների և աշխատանքների մեկնարկի գործընթացը և ավարտին հասցնել մինչև ապրիլի 16-ը, միաժամանակ ապահովելով օրենքով սահմանված շրջակա միջավայրի գնահատման փորձաքննության կատարումը հնարավորինս սեղմ ժամկետներում:
Կարեն Կարապետյանը Գյուղատնտեսության, Տարածքային կառավարման և զարգացման նախարարություններին և Ջրային տնտեսության պետական կոմիտեի նախագահին, ինչպես նաև մարզպետներին հանձնարարել է եռամսյա ժամկետում ամփոփել ջրային ոլոտի առկա ներդրումային ծրագրերը, որոշել 2019թ. առաջնահերթությունները և դրանք ներկայացնել Կառավարության աշխատակազմ: Ոռոգման սեզոնի նախապատրաստական աշխատանքների պլանավորումը կսկսվի աշուն-ձմեռ ժամանակահատվածում:
Vesti.am
