Կառավարության այսօրվա նիստին վարչապետ Կարեն Կարապետյանն անդրադարձավ որոշ սահմանափակ ռեսուրսներից օգտագվելու համար պետական կամ տեղական ինքնակառավարման մարմիների կողմից թույլտվություններին և այլ փաստաթղթերի տրամադրումը պարզեցնլուն:
«Ներկայումս տնտեսական գործունեությամբ զբաղվելու հնարավորություն ստանալու համար տնտեսվարող սուբյեկտները պարտավոր են օգտվել որոշ սահմանափակ ռեսուրսներից, օրինակ հանրային տարածքների վարձակալության, ջրային ռեսուրսներից օգտվելու թույլտվություններ, համաձայնություններ, քվոտաներ և այլ փաստաթղթեր: Այդ նպատակով տնտեսվարողները պետք է դիմեն համապատասխան պետական կամ տեղական ինքնակառավարման մարմինների: Տնտեսական մրցակցության պաշտպանության պետական հանձնաժողովի կողմից իրականացված ուսումնասիրությունները փաստում են, որ շատ հաճախ բացակայում են այդ փաստաթղթերի տրամադրման միասնական և հստակ պայմաններ, ինչպես նաև դրանք տրամադրվում են պետական կամ տեղական ինքնակառավարման մարմինների հայեցողական որոշումների հիման վրա: Նման ձևով վարչարարությունը բացասական է ազդում տնտեսվարող միջավայրի վրա: Հետևաբար, անհրաժեշտ է մշակել այդ գործընթացները պարզեցնելու, արդյունավետությունը բարձրացնելու և հասանելիության համար հավասար պայմանների ապահովման նոր մեխանիզմ»,-ասաց վարչապետը:
Կարեն Կարապետյանը հանրապետական գործադիր մարմինների ղեկավարներին հանձնարարեց, իսկ տեղական ինքնակառավարման մարմիններին առաջարկեց երկամսյա ժամկետում, համագործակցելով ՏՄՊՊՀ-ի հետ, գույքագրել բոլոր այն դեպքերը, որոնց հիման վրա տրամադրվում են սահմանափակ ռեսուրսներից օգտվելու թույլտվություններ և Կառավարության աշխատակազմ ներկայացնել այդ փաստաթղթերի տրամադրումը, մրցութային կանխատեսելի և հստակ կարգով կազմակերպելու վերաբերյալ իրավական ակտերի նախագծեր:
Vesti.am
