Ծանրամարտի միջազգային ֆեդերացիայի գործկոմը Բուխարեստում կայացած նիստում միաձայն որոշեց տարիներ առաջ հակադոպինգային կանոնները խախտած ինը երկրի ազգային ֆեդերացիայի՝ Ռուսաստանի, Ադրբեջանի, Թուրքիայի, Ղազախստանի, Չինաստանի, Ուկրաինայի, Բելառուսի, Մոլդովայի, Հայաստանի մեկ տարով հեռացնել: Այդ մասին հայտնում են ՀԱՕԿ լրատվական ծառայությունից:
Որոշումն ուժի մեջ է մտնելու հոկտեմբերի կեսից, հետևաբար, այդ երկրների, դրանց թվում՝ Հայաստանի ազգային հավաքականները չեն մասնակցի նոյեմբերի 28-ից դեկտեմբերի 5-ը ԱՄՆ Անահայմ քաղաքում կայանալիք աշխարհի առաջնությանը:
