Կոսովոյում շարունակվող ծանրամարտի մինչև 15 և 17 տարեկան պատանիների Եվրոպայի առաջնությունում այսօր Հայաստանը երկու մասնակից ուներ 17 տարեկան տղաների 77 կգ քաշային կարգում:
ՀԱՕԿ լրատվականի փոխանցմամբ, Կարեն Մարգարյանը երկամարտի 296 կգ-ով բարձրացավ պատվո պատվանդանի երրորդ աստիճան: Նա փոքր բրոնզ նվաճեց նաև պոկում վարժությունում (136 կգ): Մեր երկրորդ ներկայացուցիչը՝ Արա Աղանյանը, նույնպես փոքր բրոնզե մեդալի արժանացավ, սակայն հրում վարժությունում (162 կգ):
