Հուլիսի 22-ին Սևան քաղաքի «Բեսթ Վեսթերն Բոհեմիան Ռեզորթ» հյուրանոցային համալիրում տեղի ունեցավ «Սևանա լիճ-2017» շախմատի միջազգային մրցաշարի փակման հանդիսավոր արարողությունը: Փակման արարողությանը մասնակցում էին ՀՀ ԱԺ փոխնախագահ Էդուարդ Շարմազանովը, ՀՀ Շախմատի ֆեդերացիայի նախագահի առաջին տեղակալ Սմբատ Լպուտյանը, ՀՀ Շախմատի ֆեդերացիայի փոխնախագահ Լևոն Յոլյանը, Գեղարքունիքի մարզպետ, Գեղարքունիքի մարզի շախմատի ֆեդերացիայի նախագահ Կարեն Բոթոյանը, ՀՀ ԱԺ պատգամավոր Ռաֆիկ Գրիգորյանը, ՀՀ ԱԺ պատգամավոր Գագիկ Մելիքյանը, մարզի համայնքների ղեկավարներ, կրթամշակութային հաստատությունների տնօրեններ, պետական կառավարման մարմինների ներկայացուցիչներ: «Սևանա լիճ-2017» միջազգային 11-րդ մրցաշարում առաջին պատվավոր հորիզոնականը զբաղեցրեց Եգիպտոսի մասնակից Բասսեմ Ամին:
