«Մանչեսթեր Յունայթեդի» կիսապաշտպան Ադնան Յանուզան ամառային տրանսֆերային պատուհանի ընթացքում կարող է հեռանալ թիմից:

«ESPN»-ը հայտնում է, որ մանկունյանցիների ղեկավարությունը պատրաստ է առաջարկներ դիտարկել 22-ամյա բելգիացու տրանսֆերի շուրջ, որը 2016/2017 մրցաշրջանի ընթացքում վարձակալության հիմունքներով հանդես է եկել «Սանդերլենդում»:

ՄՅՈւ-ն մտադիր է ֆուտբոլիստի վաճառքից 8-12 մլն ֆունտ վաստակել (9,1 մլն եվրոյից մինչև 13,7 մլն):

Եթե միջմրցաշրջանային տուրից առաջ մանկունյանցիները Յանուզայի տրանսֆերի շուրջ առաջարկ չստանան, Ադնանը թիմի հետ միասին  կպատրաստվի 2017/2018 մրցաշրջանին:

Ադնան Յանուզայի պայմանագիրը ՄՅՈւ-ի հետ գործում է մինչև 2018 թվականի ամառը:

Vesti.am