«Բարսելոնան» ներկայացրել է նոր մարզաշապիկը, որը թիմի ֆուտբոլիստները կկրեն հաջորդ մրցաշրջանում: Այդ մասին հայտնում է իսպանական ակումբի պաշտոնական կայքը:

Մարզաշապիկի վրա առաջին անգամ պատկերված է լինելու ճապոնական «Rakuten» ընկերության գրությունը, որը դարձել է «Բարսելոնայի» գլխավոր հովանավորը:

«Rakuten»-ը համաշխարհին թոփ-10 ինտերնետ-ընկերությունների թվում է: Նրան են պատկանում buy.com հարթակը («Amazon»-ի և «eBay»-ի անմիջական մրցակիցն ԱՄՆ-ում) և Play.com-ը (Մեծ Բրիտանիա):

2014 թվականի սկզբին ընկերությունը գնեց նաև բջջային «Viber» հավելվածը:

«Rakuten»-ի և կատալոնական ակումբի միջև պայմանագիրը նախատեսված է 4 մրցաշրջանի համար: Պայմանագրի համաձայն, ակումբը տարեկան 55 մլն եվրո կստանա հովանավորից:

Vesti.am