Ռումինիայի Կլուժ-Նապոկա քաղաքում մեկնարկեց սպորտային մարմնամարզության Եվրոպայի առաջնությունը, տեղեկացնում է ՀԱՕԿ լրատվական ծառայությունը:
Հայաստանի ազգային հավաքականի գլխավոր մարզիչ Հակոբ Սերոբյանը ՀԱՕԿ լրատվականին հայտնեց, որ մեր մարզիկներից չորսը եզրափակչի ուղեգիր է նվաճել:
Հարություն Մերդինյանը՝ նժույգ թափերում, Արթուր Թովմասյանը և Վահագն Դավթյանը՝ օղակներում, Արթուր Դավթյանը՝ հենացատկում, ութ ուժեղագույնների մեջ են և պայքարելու են մեդալների համար:
Արթուր Դավթյանը եզրափակիչ է մտել նաև բազմամարտում:
