ԱՄՆ փոխնախագահ Ջո Բայդենը Ուկրաինայի նախագահ Պյոտր Պորոշենկոյի հետ ունեցած հեռախոսազրույցի ընթացքում խնդրել է նրան խուսափել Ռուսաստանի հետ լարվածության աճից:
«Երկու առաջնորդները կրկին հայտարարել են Ուկրաինայի տարածքային ամբողջականության և ինքնիշխանության վերականգնման հարցում քաղաքական և դիվանագիտական ուղիներում իրենց աջակցության մասին, մասնավորապես, Մինսկի համաձայնագրերի լիարժեք իրականացման միջոցով», - ասված է Սպիտակ տան պաշտոնական կայքում հրապարակված հայտարարության մեջ:
Նշվում է, որ փոխնախագահը Պորոշենկոյին կոչ է արել իրենից կախված ամեն բան անել՝ Ռուսաստանի հետ լարվածության աճից խուսափելու համար:
Հաղորդագրությունում նշվում է, որ Միացյալ Նահանգները նույն կոչով դիմել է նաև ռուսական կողմին:
Vesti.am
