Եվրամիության ներկայացուցիչների՝ Մոսկվա այցելության համար դեռևս հստակ ժամկետներ չկան։ Ռուսաստանը նրանց հրավիրել է՝ հասկանալու նրանց դիրքորոշումը և շարունակելու երկխոսությունը Ուկրաինայում իրավիճակի կարգավորման շուրջ, հայտնել է Կրեմլի խոսնակ Դմիտրի Պեսկովը։
«Ոչ, դեռևս կոնկրետ ժամկետներ չկան», – ասել է Կրեմլի ներկայացուցիչը՝ պատասխանելով «ՌԻԱ Նովոստի» գործակալության հարցին, թե արդյոք որոշվել է այցի ժամանակը։









