Եվրահանձնաժողովը հրաժարվել է մեկնաբանել ԱՄՆ նախագահ Դոնալդ Թրամփի խոսքերը, որը նոյեմբերի 19-ին Չինաստանում անցկացված հանդիպման ժամանակ Ռուսաստանի ղեկավար Վլադիմիր Պուտինին անվանել էր «իր ընկերը»։ Միաժամանակ Բրյուսելում հայտարարել են, որ աջակցում են Ուկրաինայի վրա ռուսական հարձակումները դադարեցնելուն ուղղված ցանկացած ջանքի։
«Ընդհանուր առմամբ մենք չենք մեկնաբանում ընկերությունը»,- հայտարարել է Եվրահանձնաժողովի գլխավոր խոսնակ Պաուլա Պինյոն՝ պատասխանելով Բրյուսելում «Европейская правда»-ի թղթակցի հարցին։
Միևնույն ժամանակ Եվրահանձնաժողովի արտաքին հարաբերությունների հարցերով ներկայացուցիչ Քրիստիան Վիգանդն ընդգծել է, որ ԵՄ-ն աջակցում է բոլոր նախաձեռնություններին, որոնք կարող են վերջ դնել Ուկրաինայի բնակչությանն ու քաղաքացիական ենթակառուցվածքներին հասցվող հարվածներին։
«Ռուսաստանը շարունակում է իր անողոք հարձակումներն Ուկրաինայի խաղաղ բնակչության և քաղաքացիական ենթակառուցվածքների դեմ։ Ուստի մենք կաջակցեինք դրան վերջ դնելուն ուղղված բոլոր ջանքերին»,- «Европейская правда»-ի թղթակցին ասել է Վիգանդը։









