Ռուսաստանը Հայաստանից Գյումրիում տեղակայված ռուսական ռազմակայանը դուրս բերելու վերաբերյալ որևէ դիմում չի ստացել։ Այս մասին «Известия»-ին հայտնել է ՌԴ ԱԳ նախարարի տեղակալ Միխայիլ Գալուզինը։
«Հայկական կողմից Գյումրիում տեղակայված ռուսական ռազմակայանը դուրս բերելու վերաբերյալ դիմումներ չենք ստացել», — ասել է նա։
Դիվանագետն ընդգծել է, որ Մոսկվան շարունակում է համարել՝ այդ ռազմակայանը Հայաստանի և Հարավային Կովկասի անվտանգության համակարգի կարևոր բաղադրիչն է։
