Ֆուտբոլի Սաուդյան Արաբիայի Պրո լիգայի 2026/27 մրցաշրջանի 5-րդ տուրում «Ալ-Ահլին» սեփական հարկի տակ 5-0 հաշվով ջախջախիչ հաղթանակ տարավ «Ալ-Ռիադի» նկատմամբ:

Հանդիպման հաշիվը 16-րդ րոպեին բացեց Այվան Թոունին՝ անվրեպ իրացնելով 11-մետրանոց հարվածը։ Առաջին խաղակեսի վերջնամասում՝ 43-րդ րոպեին, տանտերերի առավելությունը կրկնապատկեց Հայաստանի ազգային հավաքականի կիսապաշտպան Էդուարդ Սպերցյանը՝ հեղինակելով իր երրորդ գոլը նոր ակումբի կազմում։ Արդեն ավելացված ժամանակում (45+2′) Ֆրանսիշկու Տրինկաուն հաշիվը դարձրեց խոշոր:

Երկրորդ կեսում «Ալ-Ահլին» ևս երկու անգամ գրավեց մրցակցի դարպասը. 61-րդ րոպեին Թոունին կրկին անվրեպ գտնվեց նշակետից՝ ձևակերպելով դուբլ, իսկ 87-րդ րոպեին հանդիպման վերջնական արդյունքը ձևակերպեց Նաիֆ Մասուդը։

Էդուարդ Սպերցյանը խաղադաշտ էր դուրս եկել մեկնարկային կազմում և փոխարինվեց 75-րդ րոպեին։

Այս հաղթանակից հետո «Ալ-Ահլին» 5 խաղից հետո վաստակեց 9 միավոր և բարձրացավ մրցաշարային աղյուսակի 4-րդ հորիզոնական։ «Ալ-Ռիադը» 5 խաղից հետո իր ակտիվում ունի 4 միավոր և զբաղեցնում է 12-րդ տեղը։

Աղբյուրը՝ Armsport.am: