2026 թվականի սեպտեմբերի 4-ին Մոսկվայում, Հավաքական անվտանգության պայմանագրի կազմակերպության անդամ պետությունների ներկայացուցիչների՝ արտաքին քաղաքականության, անվտանգության և պաշտպանության հարցերով 2025–2027 թվականների խորհրդակցությունների անցկացման ծրագրի շրջանակում, տեղի են ունեցել խորհրդակցություններ՝ «ՄԱԿ-ի Գլխավոր ասամբլեայի օրակարգի հարցերի շուրջ ՀԱՊԿ անդամ պետությունների դիրքորոշումների համակարգման վերաբերյալ» թեմայով։

Կողմերը նշել են, որ ՄԱԿ-ի Գլխավոր ասամբլեայի 81-րդ նստաշրջանի օրակարգի հարցերի մեծ մասի վերաբերյալ իրենց մոտեցումները համահունչ են կամ համընկնում են։

Նշվել է, որ ՄԱԿ-ը եղել և շարունակում է մնալ միջազգային հարաբերությունների համակարգաստեղծ գործոնն ու միջազգային խաղաղության և անվտանգության պահպանման կարևորագույն գործիքը։

Կողմերը վերահաստատել են ՄԱԿ-ի դիրքերի և հեղինակության լիարժեք վերականգնման, ինչպես նաև միջազգային գործերում կազմակերպության կենտրոնական համակարգող դերի ամրապնդման անհրաժեշտությունը՝ իսկապես արդար միջազգային կարգի ձևավորման նպատակով՝ ՄԱԿ-ի կանոնադրության և միջազգային իրավունքի համընդհանուր ճանաչում ունեցող այլ նորմերի հիման վրա։

Ընդգծվել է ՀԱՊԿ անդամ պետությունների շահագրգիռ նախարարությունների և գերատեսչությունների միջև տեղեկատվության փոխանակման ընդլայնման կարևորությունը։

Կողմերը պայմանավորվել են խորհրդակցությունների հաջորդ փուլն անցկացնել 2027 թվականին։