Նախամրցաշրջանային ընկերական հանդիպումների շրջանակում ուժերն են չափել «Մանչեսթեր Սիթին» և Միլանի «Ինտերը»։ Այս մասին տեղեկանում ենք armsport.am կայքից։

Հանդիպման հիմնական ժամանակն ավարտվել է 1։1 հաշվով։ Խաղի 14-րդ րոպեին Մուբամա Դիվինը առաջ է մղել «Մանչեսթեր Սիթիին», ակայն ընդամենը վեց րոպե անց Բենժամին Պավարը վերականգնել է հավասարությունը։

Հաղթողը որոշվել է հետխաղյա 11 մետրանոց հարվածաշարում, որտեղ առավել դիպուկ են գտնվել միլանյան ակումբի ֆուտբոլիստները՝ հաղթելով 3։1 հաշվով։

«Ինտերի» կազմում հանդիպմանը մասնակցել է Հենրիխ Մխիթարյանը, նա խաղադաշտում անցկացրել է 46 րոպե։