Ֆրանսիան Իսպանիայի հետ սահմանին տեղակայել է արագ արձագանքման ուժերի ստորաբաժանումներ, ինքնաթիռներ և անօդաչու թռչող սարքեր՝ Սեուտա քաղաք-անկլավում ստեղծված միգրացիոն իրավիճակի ֆոնին, հայտնել է Ֆրանսիայի նախագահ Էմանուել Մակրոնը։
«Իսպանիայի հետ սահմանին տեղակայվել են արագ արձագանքման ուժերի չորս ստորաբաժանումներ, ինքնաթիռներ և անօդաչու թռչող սարքեր», — գրել է Մակրոնը X սոցիալական ցանցում։
Ֆրանսիայի նախագահը նշել է, որ կապ է հաստատել Իսպանիայի վարչապետ Պեդրո Սանչեսի հետ՝ Մադրիդին աջակցություն հայտնելու և անհրաժեշտ օգնություն առաջարկելու համար։
Ավելի վաղ Սեուտայի նախագահ-քաղաքապետ Խուան Խեսուս Վիվասը հայտարարել էր, որ մեկ օրվա ընթացքում Մարոկկոյից Սեուտա է ներթափանցել շուրջ 60 հազար մարդ։ Ավելի ուշ El País թերթը հայտնել էր, որ Մարոկկոյից Սեուտա անցնելու փորձերի ընթացքում զոհված միգրանտների թիվը հասել է 57-ի։
