Թուրքական բեռնատար նավ է խորտակվել Իրանի ափերի մոտ՝ Հորմուզի շրջանում, հաղորդվում է, որ զոհեր չկան։
Միջադեպը տեղի է ունեցել իրանական Բենդեր Աբբաս նավահանգստի մոտ գտնվող ջրային տարածքում, հայտնում են ԶԼՄ-ները: Նավը կիսվել է և մասամբ անցել ջրի տակ։ Անձնակազմի 23 անդամներին փրկել և տարհանել են Քեշմ կղզի։
1994 թվականին կառուցված նավը վնասվել է՝ կորպուսում առաջացած ճեղքի հետևանքով, ինչի պատճառով ջուր է սկսել լցվել ներս։ Այնուհետև նավը կիսվել է երկու մասի և սուզվել։
Վարկածներից մեկի համաձայն՝ բեռնանավը բախվել է մեկ այլ նավի, իսկ մեկ այլ վարկածի համաձայն՝ պայթել է ծովում լողացող ականի վրա։
Տեսանյութը՝ հղմամբ։
