Հունիսի 19-ին շվեյցարական Բյուրգենշտոկ լեռնային հանգստավայրում նախատեսված Իրան-ԱՄՆ բանակցությունները չեն կայանա։

Այս մասին հայտարարել է Շվեյցարիայի արտաքին գործերի նախարարությունը։

Հայտարարությունը տարածվել է այն բանից հետո, երբ Սպիտակ տան մամուլի քարտուղարը հայտարարել է, որ ԱՄՆ փոխնախագահ Ջ.Դ. Վենսը չեղարկել է հունիսի 19-ին Շվեյցարիայում նախատեսված իրանցի բանակցողների հետ հանդիպումը։ Հանդիպումը նախատեսված էր Թեհրանի և Վաշինգտոնի միջև պատերազմի ավարտի հուշագրի իրականացման վերաբերյալ բանակցություններ սկսելու համար։