ՄԱԿ-ում Իրանի մշտական ներկայացուցիչ Ամիր Սաիդ Իրավանին հայտարարել է, որ Իրանի դեմ ԱՄՆ-ի և Իսրայելի ռազմական գործողություններին մասնակցած բոլոր երկրները պետք է ենթարկվեն պատասխանատվության։
ՄԱԿ-ի գլխավոր քարտուղարին և Անվտանգության խորհրդի նախագահին ուղղված նամակում Իրավանին մերժել է Քաթարի, Բահրեյնի, ԱՄԷ-ի, Սաուդյան Արաբիայի, Քուվեյթի և Հորդանանի կողմից ներկայացված «անհիմն մեղադրանքները»։
Իրանի ներկայացուցիչը նշել է, որ այդ երկրները անտեսում են իրավիճակի հիմնական պատճառները և փորձում են պատասխանատվությունը վերագրել Իրանին՝ չնայած այն հանգամանքին, որ, ըստ նրա, ԱՄՆ-ն և Իսրայելը իրականացրել են «չհրահրված և ապօրինի հարձակումներ» Իրանի ինքնիշխանության դեմ։
