ԱՄՆ-ն բավարարել է Ֆիլիպինների խնդրանքը՝ երկարաձգելու ռուսական նավթ և նավթամթերք գնելու թույլտվությունը: Այս մասին հայտնում է երկրի էներգետիկայի վարչությունը։

Ֆիլիպինների էներգետիկայի փոխնախարար Ալեսանդրո Սալեսը հայտարարել է, որ թույլտվությունը գործում է ապրիլի 17-ից մինչև մայիսի 16-ը։

Իր հերթին Ֆիլիպինների էներգետիկայի նախարար Շերոն Գարինը հայտարարել է, որ երկիրն առաջվա պես 54 օրվա վառելիքի պաշար ունի։

Մարտին Միացյալ Նահանգները 30-օրյա արտոնություն էր տվել ռուսական նավթի և նավթամթերքի ներմուծման համար, որի ժամկետը լրացել էր ապրիլի 11-ին։