Հայաստանի ֆուտբոլի ֆեդերացիայի գրասենյակում տեղի է ունեցել Հայաստանի Գավաթի խաղարկության կիսաեզրափակիչ փուլի վիճակահանությունը։ Այս մասին հայտնում է ֆեդերացիայի մամուլի ծառայությունը:
Վիճակահանության արդյունքում հայտնի են դարձել զույգերը:
«Անդրանիկ» - «Ուրարտու»
«Արարատ-Արմենիա» - «Նոա»
Դիմակայությունները բաղկացած կլինեն 2 մրցավեճից։ «Անդրանիկը» եւ «Արարատ-Արմենիան» առաջին խաղերում կլինեն տանտերերը։
Հանդիպումների օրերն ու ժամերը հայտնի կդառնան ավելի ուշ։
Հիշեցնենք, որ քառորդ եզրափակիչում «Անդրանիկը» ընդհանուր 5։2 հաշվով գերազանցել էր «Սյունիքին», «Արարատ-Արմենիան» 3։0 հաշվով պարտության էր մատնել «Շիրակին»։
