Բահրեյնի և Քուվեյթի օդային տարածքը 18-րդ օր անընդմեջ փակ կլինի: Այս մասին հայտնել են Մերձավոր Արևելքի ավիադիսպետչերական ծառայություններից:
«Բահրեյնի և Քուվեյթի օդային տարածքի փակման ռեժիմը, որը ներդրվել էր փետրվարի 28-ի կեսօրին, կրկին երկարաձգվել է 12 ժամով՝ մինչև համաշխարհային ժամանակով 16:00-ն», - ասել է գործակալության զրուցակիցը: Նա պարզաբանել է, որ ի տարբերություն Քուվեյթի, Բահրեյնի երկնքում թույլատրվում են հատուկ թույլտվություններով առանձին թռիչքները՝ Մանամայի օդանավակայանից դեպի հարևան Սաուդյան Արաբիա տանող ամենակարճ միջանցքով:
Բահրեյնի և Քուվեյթի վերևում օդային տարածքը փակվել է Իրանի դեմ ԱՄՆ-ի և Իսրայելի ռազմական գործողության մեկնարկից հետո: Այժմ փակ է նաև Իրանի և Իրաքի երկինքը, Կատարը թռիչքները թույլատրում է օրական մի քանի ժամով, մասնակիորեն բաց է ԱՄԷ-ի և Սիրիայի օդային տարածքը, պարբերաբար դադարեցվում են Իսրայելի թռիչքները:
