Իրանի փոխարտգործնախարար Քազեմ Ղարիբաբադին հայտարարել է՝ Թեհրանը հարվածներ չի հասցրել Ադրբեջանի տարածքին։
«Իրանը չի թիրախավորում հարևան երկրները։ Այս միջադեպը պահանջում է մանրակրկիտ հետաքննություն», - ասել է դիվանագետը՝ AnewZ հեռուստաընկերությանը տված հարցազրույցում։
Նա ընդգծել է, որ Իսլամական Հանրապետության պաշտպանական ռազմավարությամբ՝ հարվածներ հասցվում են միայն հակառակորդներին, այդ թվում՝ ԱՄՆ-ի և սիոնիստական ռեժիմի ռազմաբազաներին։ «Թիրախ կարող են դառնալ միայն այն երկրները, որոնք իրենց տարածքը տրամադրում են Իրանի հակառակորդներին՝ ռազմական բազաներ տեղակայելու համար»,- նշել է դիվանագետը։
