Ռուսաստանի Դաշնությունում Գերմանիայի դիվանագիտական առաքելության ղեկավարը փետրվարի 5-ին կանչվել է Ռուսաստանի արտգործնախարարություն: Դրա մասին հայտնել են Ռուսաստանի ԱԳՆ-ից:
«Գերմանական կողմին վճռական բողոք է ներկայացվել Գերմանիայի կառավարության 2026 թվականի հունվարի 22-ի որոշման կապակցությամբ, որով Գերմանիայում Ռուսաստանի դեսպանատան աշխատակցին «անցանկալի անձ» էր հայտարարվել: Ընդգծվում է, որ պաշտոնական Բեռլինի կողմից դիվանագետի դեմ հետախուզական գործունեության վերաբերյալ ներկայացված մեղադրանքներն անհիմն են և հորինված են գերմանական իշխանությունների հրահրմամբ Գերմանիայում խթանվող «լրտեսական կրքերի» ոգով։ Ռուսական կողմը կտրականապես մերժում է դրանք։
Մենք գերմանական կողմի գործողությունները դիտարկում ենք որպես Գերմանիայում Ռուսաստանի դիվանագիտական առաքելությունը վարկաբեկելուն ուղղված էժան սադրանք։
Գերմանական դիվանագիտական առաքելության ղեկավարին հանձնվել է Մոսկվայում Գերմանիայի դեսպանատան դիվանագիտական աշխատակցին «անցանկալի անձ» հայտարարելու մասին բողոքի նոտա՝ որպես երկկողմ հարաբերություններում նոր սրման ամբողջական պատասխանատվությունը կրող Գերմանիայի կառավարության նշված որոշման համաչափ պատասխան»,- ասված է հայտարարության մեջ։
