Սպիտակ տան Օվալաձև աշխատասենյակում ԱՄՆ նախագահ Դոնալդ Թրամփը հրաժարվել է պատասխանել ABC-ի լրագրողի հարցին՝ Ներքին եկամուտների ծառայության դեմ դատական հայց ներկայացնելու մասին՝ կշտամբելով նրան աղմկոտ լինելու համար։
«Դուք շատ աղմկոտ մարդ եք։ Եկեք հնարավորություն տանք ուրիշ մեկին»,- ասել է Թրամփը։ Հարցը տալու ևս մեկ փորձից հետո նա ավելի կտրուկ ավելացրել է. «Ես ձեզ խոսք չեմ տվել» և անցավ մեկ այլ լրագրողի։
Թրամփն ավելի վաղ դատի էր տվել Ֆինանսների նախարարությանը և Ներքին եկամուտների ծառայությանը՝ նրանց մեղադրելով իր առաջին ժամկետի հարկային հաշվետվությունների չարտոնված բացահայտման մեջ։ Թրամփը առնվազն 10 միլիարդ դոլարի փոխհատուցում է պահանջում։
Նախագահը միաժամանակ պնդել է, թե ABC-ն կեղծ լուրեր է տարածում։
