Հայկական ֆուտբոլի լեգենդ, ազգային թիմի նախկին ավագ Հենրիխ Մխիթարյանի կենսագրական գիրքը հայերեն թարգմանությամբ ընթերցողի դատին կներկայացվի փետրվարի 7-ին:
«Արմենպրես»-ի հաղորդմամբ` Ալեսանդրո Ալչիատոյի համահեղինակությամբ գրված գիրքը արդեն իսկ պատրաստ է իտալերենով և հիմա Newmag հրատարակչության թարգմանությամբ կլինի նաև հայերեն: Գրքի շնորհանդեսը կկայանա փետրվարի 7-ին` Newmag հրատարակչության ձմեռային փառատոնի շրջանակներում:
Հենրիխ Մխիթարյանի կենսագրական գիրքը կրում է «Իմ կյանքը` միշտ կենտրոնում» (La mia vita sempre al centro) խորագիրը:
