Կարապետյան, Թաթոյան․ իշխանությունը մեծ հակաքարոզչություն է անում նրանց դեմ, ումից վախենում է, նախկին նախագահներն էլ մշտական թիրախում են։
«Կիզակետում Արկադի Գրիգորյանի հետ» հաղորդման ժամանակ ասել է քաղտեխնոլոգ Կարեն Քոչարյանը։
«Չեմ կարծում, որ այսօր կատարվողը միայն եկեղեցու դեմ է, սա նախընտրական սկսվող ռեպրեսիաների մի հատված է։ Դրա մեջ կներառվեն բոլոր նրանք, ովքեր կփորձեն հակադրվել իշխանական նոր թեզերին՝ գլոբալ առումով Հայաստանի վիլայեթացմանը։
Նրանք, ովքեր կհակադրվեն, որ Հայաստանը դառնա անկախ, ինքնիշխան վիլայեթ, այսօր մանրակրկիտ մոնիթորինգի տակ են։ Սոցհարցումներ անում է ոչ միայն ընդդիմությունը, այլև իշխանությունը։ Ըստ այդ պատկերի, ում դեմ գնում է մեծ հակաքարոզչություն, ուրեմն իշխանության սոցհարցումներով, այդ մարդիկ մեծ ուժ են ներկայացնում, այսօրվա դրությամբ գլխավոր հակառակորդներն են»,- նշել է Քոչարյանը։
Հարցազրույցն ամբողջությամբ՝ տեսանյութում․
