Հաստատված խաղաղության պայմաններում էական մի քանի հարցերի շուրջ ձեռք բերված հարցերի պայմաններում դեռևս կան որոշ հարցեր, որոնք դեռ լուծման կարիք են զգում և հավելյալ ջանքերի կարիք են զգում: Այս մասին Երևանում Ֆինլանդիայի ԱԳ նախարար, ԵԱՀԿ գործող նախագահ Էլինա Վալտոնենի հետ տեղի ունեցող համատեղ ասուլիսի ընթացքում ասել է ԱԳ նախարար Արարատ Միրզոյանը:
«Դրանցից մեկը կամ առաջինը Բաքվում պահվող պատանդառված անձանց գերիների ազատ արձակման հարցն է: Մենք ամենօրյա աշխատանքն ենք իրականացնում այս ուղղությամբ, ոչ միշտ տեսանելի, ոչ միշտ արդյունավետ, բայց մենք իրականացնում ենք այդ աշխատանքը: Այս պահին ևս ես ուզում եմ հույս հայտնել, որ այս առումով մենք լավ նորություն կունենանք: Բառացիորեն երեկ նաև Շարմ էլ Շեյխում ևս կրկին մեր ադրբեջանցի գործընկերների հետ քննարկել ենք այս հարցը»,- նշել է նա:
Միրզոյանը կարևորել է նաև երրորդ երկրների մասնակցությունն այս գործընթացում քանի որ Բաքվում Կարմիր խաչի գրասենյակը փակվել է:
Աղբյուրը՝ tert.am
